| "Via Negativa" deur LOUIS ESTERHUIZEN [boodskap #31937] |
Thu, 06 July 2000 00:00 |
|
|
Oorspronklik gepos deur: @home.com
VIA NEGATIVA
(Na RS Thomas se gelyknamige vers)
Louis Esterhuizen
Wat is hy anders
as die afwesige in ons lewens,
die volsterkte stilte wat ons gebede
verknoei, die plek waar ons soek
sonder
om te arriveer of te vertrek?
En tog, die duister
fokuspunt tussen die sterre
is syne,
die eggo's wat ons na die afgrond
lok, ook.
Selfs die spore wat ons volg
is waar Hy pas verby is en ons smag
daarna om ons hand in sy sy
te steek : Bloedvars en warm sal dit nog
wees, so glo ons graag -
Want ons loop verby
plekke, verby sluiermense en sien
nie die sagte negatief voor ons
uit skuifel
nie
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
